Midsayap, Cotabato – Sumuko sa Midsayap Municipal Police Station ang Most Wanted Person sa kasong Rape sa Poblacion 3, Midsayap, Cotabato noong ika-4 ng Oktubre 2022.
Kinilala ni PLtCol Rolly C Oranza, Chief of Police ng nasabing istasyon ang suspek na si Sixto Catubig, 58, may asawa, farm manager at residente ng Barangay Barurao I, Lebak, Sultan Kudarat.
Ayon kay PLtCol Oranza, sumuko si Sixto sa himpilan ng nasabing istasyon kaugnay sa ipinapatupad na kampanya sa Manhunt Charlie Operation sa mga Wanted Person sa Rehiyong dose.
Si Sixto ay may pending na Warrant of Arrest para sa 3 Counts ng Rape (Violation of RPC Article 266-A) na walang piyansang inirekomenda.
Muli naman hinihikayat ng ating kapulisan ang iba pang wanted person sa rehiyon dose na sumuko at harapin ang kanilang mga nagawang pagkakamali sa batas, dahil hindi titigil ang ating kapulisan sa pagtugis sa mga ganitong uri ng tao upang mapanatili ang kaayusan at maibigay ang hustisya para sa mga naging biktima ng mga taong ito.
Panulat ni Patrolwoman Sherie-ann Masi
