Tacloban City – Arestado ang dalawang indibidwal na tulak ng droga sa isinagawang buy-bust operation ng PNP at PDEA 8 sa Barangay 97 Cabalawan, Tacloban City nito lamang Martes, ika-4 ng Oktubre 2022.
Kinilala ni Police Colonel Michael Palermo, Acting City Director ng Tacloban City Police Office, ang mga naaresto na sina alyas “Jo”, 27 at alyas “Lito”, 32, at kapwa residente ng Barangay 92, Apitong Tacloban City.
Ayon kay PCol Palermo, naaresto ang mga suspek ng mga operatiba ng TCPO-PS3 Drug Enforcement Unit sa pangunguna ni Police Captain Juan Eliezer A Abellon, Officer-In-Charge at sa pakikipagtulungan ng Philippine Drug Enforcement Agency-Regional Office 8.
Narekober mula sa mga suspek ang 20 piraso na heat-sealed transparent na plastic sachet na naglalaman ng puting crystalline substance na pinaghihinalaang shabu at sa kabuuan ay may tinatayang market value na Php40,000.
Ang mga naaresto ay nahaharap sa kasong paglabag sa Section 5 at 11 sa ilalim ng Article II ng RA 9165 o ang Comprehensive Dangerous Drugs Act of 2002.
Ang pagsisikap ng mga operatiba na sugpuin ang paglaganap ng ilegal na droga ay nakatulong sa pagkamit ng mas ligtas, maayos at tahimik na lungsod ng Tacloban.
