Alfonso, Cavite – Tinatayang Php340,000 halaga ng shabu ang nasabat sa dalawang drug syndicate sa ikinasang PNP joint buy-bust nito lamang Oktubre 3, 2022.
Kinilala ni Police Brigadier General Jose Melencio Nartatez Jr, Regional Director ng Police Regional Office 4A, ang dalawang suspek na sina Nakon Guiamlo alias “Amin/Baisan”, 25, drayber at Baby Guiabal, 33, negosyante; pawang aktibong sindikato ng ilegal na droga sa National Capital Region, CALABARZON at MIMAROPA.
Ayon kay PBGen Nartatez Jr, bandang 5:00 ng hapon naaresto ang dalawang suspek sa Brgy. Buck State, Alfonso, Cavite ng pinagsamang operatiba ng Drug Enforcement Group- Special Operations Unit 4B, Special Operations Unit 4A at Station Drug Enforcement Unit ng Alfonso Municipal Police Station.
Narekober sa dalawang suspek ang isang pirasong heat-sealed transparent plastic sachet ng hinihinalang shabu na may timbang na 50 gramo at tinatayang nagkakahalaga ng Php340,000, isang brown paper bag na naglalaman ng isang bugkos na boodle money na pinatungan ng tunay na isang pirasong Php1,000 bill, isang Keypad Phone (Nokia) at mga assorted IDs.
Nahaharap ang mga suspek sa kasong paglabag sa Section 5 at 11, Article ll ng Republic Act 9165 o Comprehensive Dangerous Drugs Act of 2002.
Ang pagtutulungan ng mga operatiba ng Pambansang Pulisya sa paghuli ng mga nagtutulak ng droga ay nagbubunga ng mabilis na operasyon tungo sa pagkamit ng mas ligtas, maayos at tahimik na lalawigan ng Cavite.
Source: Police Regional Office 4A
Panulat ni Police Staff Sergeant Donabel Dulin
