Tanauan, Batangas – Nagsagawa ng Denouncement of CPP-NPA-NDF ang mga miyembro ng Progressive Group sa Covered Court ng Brgy. Gonzales, Tanauan, Batangas nito lamang Linggo, Oktubre 2, 2022.
Ang aktibidad ay pinangunahan ni Police Major Jackson Lopez, Deputy Force Commander, Regional Mobile Force Battalion 4A, sa direktang pangangasiwa ni Police Lieutenant Colonel Agosto Asuncion, Officer-In-Charge, katuwang ang Tanauan City Police Station, 403rd Maneuver Company, Regional Police Community Affairs and Development Unit 4A, Regional Community Affairs and Development Division at Local Government Unit ng Tanauan.
37 na miyembro ng SAMMA TAAL (Samahan ng Maliliit na Mangingisda sa Lawa ng Taal) ang tumuligsa sa mga aktibidad ng CPP-NPA-NDF at tumiwalag sa kani-kanilang mga progresibong grupo.
Nagkaroon ng panunumpa, pagsagawa ng sinumpaang affidavit at sinundan ng pagsunog ng watawat ng CPP-NPA-NDF bilang pagtalikod at boluntaryong pag-alis sa mga teroristang grupo.
Bukod dito, nakatanggap din ang mga dating rebelde ng relief packs na naglalaman ng bigas, de lata at noodles.
Hinihikayat ng PNP ang mga iba pang mga miyembro ng grupong rebelde na makiisa sa mga programa ng gobyerno at tuluyan nang tuligsain ang CPP-NPA-NDF upang mas maging ligtas, maayos, at mapayapa ang kanilang pamumuhay kapiling ang kani-kanilang pamilya.
Panulat ni Police Staff Sergeant Donabel Dulin
