Taguig City — Timbog sa buy-bust ng Southern Police District ang isang buntis na kabilang sa High Value Target ng pulisya dahil sa bitbit nitong Php510,000 halaga ng shabu nito lamang Linggo, Oktubre 2, 2022.
Kinilala ni Police Colonel Kirby John B Kraft, Acting District Director ng SPD ang suspek na si Christie De Castro Santos alyas “Kim”, 34 taong gulang.
Ayon pa kay PCol Kraft, naaresto si Santos sa Taguig sa No. 42 Faculty Street Brgy. Sta. Ana, Taguig City bandang 12:10 ng madaling araw ng operatiba ng District Drug Enforcement Unit (DDEU) at District Mobile Force Battalion (DMFB) ng SPD.
Narekober kay Santos ang apat na heat-sealed transparent plastic sachet na naglalaman ng humigit kumulang sa 75 gramo ng hinihinalang shabu at tinatayang nagkakahalaga ng Php510,000, Php500 na buy-bust money at isang red/black pouch.
Paglabag sa Sections 5 at 11 sa ilalim ng Art II ng RA 9165 ang kinakaharap ngayon ng suspek.
Pinuri ni PCol Kraft ang patuloy na pagsuporta ng komunidad sa Southern Police laban sa ilegal na droga, aniya, “Sa tulong ng ating komunidad ay masusugpo natin ang salot na ilegal na droga. Ang laban na ito ay laban ng pamayanan at pulisya.”
Source: SPD PIO
Panulat ni PSSg Remelin M Gargantos
