Alinsunod sa bagong programa ng PNP Chief ang MKK=K ay mas paiigtingin pa ang magandang ugnayan ng PRO BAR at mga LGU sa pamamagitan ng pagtutulungan at pagbawas sa krimen sa Rehiyon ng Bangsamoro.
Binigyang diin ni PBGen John Gano Guyguyon, Regional Director, PRO BAR ang kahalagahan ng suporta ng mga Local Government Units sa PRO BAR dahil palalakasin nito ang pagpapatupad ng batas at mga hakbangin sa pag-iwas sa krimen at pakikipagtulungan sa komunidad.
Magkatuwang na naglunsad ng relief operations ang mga tauhan ng Marantao Municipal Police Station sa pangunguna ni PMaj Bobby Mario Egera, Chief of Police at ang lokal na pamahalaan ng Marantao na kung saan ay nag-abot ng tulong ang mga ito sa mga pamilyang naapektuhan ng bagyong “Karding” sa Barangay Lobo Liningding, Marantao, Lanao del Sur noong Oktubre 1, 2022
Ang PRO BAR at sa inisyatibo ni Hon. Akira Alonto, Mayor, Marantao, Lanao del Sur ay mas napadali ang pamamahagi ng mga sako ng bigas, delata, at mga gamit sa bahay sa mga apektadong pamilya.
Samantala, ang LGU ng Pualas Municipality sa pamumuno ni Hon. Amanoden Tomalondog Ducol, Mayor ng Pualas, Lanao del Sur, ay nagdonate ng isang yunit ng Toyota Fortuner na kulay puti na may Plate no. AAI 4868 model 2014 sa Pualas Municipal Police Station.
Ayon kay PLt Adrian Galang, Chief of Police, Pualas MPS na sa pamamagitan ng tulong na ito ay mas mapapahusay ang kanilang operational at mobility capabilities sa kanilang paglaban sa kriminalidad, tulong sa pagpapanatili ng kapayapaan at kaayusan, at gamitin upang makatugon kaagad kung sakaling magkaroon ng hindi kanais-nais na mga insidente sa Munisipyo ng Pualas at mga karatig na munisipalidad nito.
Dagdag pa, pinuri ni PBGen Guyguyon ang Marantao MPS at Marantao LGU sa pagpapasimula ng relief operations at binigyang pagkilala rin ang Pualas LGU sa pagsuporta sa Pualas MPS sa pagsugpo sa krimen na nagpapakita ng kanilang tiwala sa puwersa ng pulisya.
“Ang suporta, tiwala, at pagkilala ng mga LGUs sa ating pulisya ay mahalagang sangkap para mapadali ang pagresolba ng mga krimen at masiguro ang MALASAKIT ng bawat mamamayan at tiyak ang KAPAYAPAAN at KAAYUSAN sa rehiyon tungo sa KAUNLARAN.”
Panulat ni Patrolman Mark Vincent Valencia
