Agusan del Sur – Narekober ng 1303rd Maneuver Company, Regional Mobile Force Battalion (RMFB) 13 ang tatlong landmines ng New People’s Army sa Sitio Blocking, Barangay Wasian, Rosario, Agusan del Sur bandang 7:30 ng umaga ng Sabado, Oktubre 1, 2022.
Ayon kay Police Captain Michael Daunotan, Officer-In-Charge ng 1303rd MC, RMFB13, nagsagawa ng operasyon ang kanyang mga tauhan katuwang ang 67th Infantry Battalion ng Philippine Army at 3012 Air Intelligence and Security Squadron ng Philippine Air Force upang kumpirmahin ang isang intelligence report.
Narekober ang dalawang 6-8 kgs at isang 3-5 kgs na Anti-Personnel Mines na signature weapons ng mga rebeldeng NPA na nagdulot na ng maraming pagkapatay hindi lamang sa pwersa ng gobyerno kundi pati na rin sa mga inosenteng sibilyan na lumalabag sa RA 9851 o krimen laban sa International Humanitarian Law.
“The recovery of landmine cache is a good indication that many former NPA members have come to their senses and are now helping the government to end this communist armed conflict,” pahayag ni PCpt Daunotan.
Panulat ni Patrolman Jhunel Cadapan RPCADU13
