Capiz – Boluntaryong sumuko ang dalawang miyembro ng Communist Terrorist Group sa pulisya ng Maayon Police Station, Poblacion Ilaya, Maayon, Capiz nito lamang ika-1 ng Oktubre, 2022.
Kinilala ni Police Colonel Winston M De Belen, Provincial Director ng Capiz Police Provincial Office, ang mga sumuko na sina Arnel Arellano y Fuentes, alyas “Ka Nonoy”, 34 at residente ng Brgy. Aglimocon, Maayon, Capiz at si Aina Otineo y Delos Santos, alyas “Ka Airen”, 33, residente naman ng Barangay Manayupit, Maayon, Capiz.
Ayon kay PCol De Belen, napag-alaman na silang dalawa ay dating miyembro ng Squad 2 Eastern PPS KR Panay.
Ang pagsuko ng mga ito ay resulta ng pagtutulungan ng mga tauhan ng Maayon Municipal Police Station, Regional Intelligence Unit 6, 1st Capiz Provincial Mobile Force Company, PNP-Special Action Force, Capiz Police Provincial Office, Capiz CTG Trackers Team, 3rd CMO Battalion, Philippine Army at 31st MICO 3MIB 3ID, PA.
Ang mga subject persons ay nasa kustodiya na ngayon ng Maayon MPS para sa facilitation at assessment ng kanilang posibleng pagsasailalim sa Enhanced-Comprehensive Local Integration Program ng gobyerno.
Alinsunod din ito sa “Kapayapaan” ng M+K+K=K Program ng PNP na naghahangad ng pangmatagalang kapayapaan sa pakikipagtulungan sa AFP at iba’t ibang grupo sa ilalim ng Executive Order No. 70 NTF ELCAC.
