Tubigon, Bohol – Nagsagawa ng Skills Enhancement Training ang mga tauhan ng Tubigon Municipal Police Station sa mga miyembro ng Barangay Public and Safety Officers (BPSO) sa Barangay Pooc Oriental, Tubigon, Bohol nito lamang Sabado, ika-01 ng Oktubre 2022.
Ang aktibidad ay pinangunahan ng mga tauhan ng naturang istasyon sa pangangasiwa ni Police Lieutenant Carljobel P Lofranco, Officer-In-Charge katuwang ang kapitan ng naturang barangay, Department of the Interior and Local Government Unit ng Tubigon, Tubigon Fire Station, Municipal Disaster Risk Reduction Management at PNP Class Kilas na sumasailalim ng Field Training Program (FTP).
Tinalakay sa naturang pagsasanay ang pagsasagawa ng Handcuffing at Arresting Techniques gayundin ang Drug Awareness at NTF-ELCAC na masugid na dinaluhan ng nasa 50 miyembro ng BPSO ng Barangay Pooc Oriental.
Ang naturang aktibidad ay naglalayong pataasin ang kaalaman at kakayahan ng ating mga BPSO sa kanilang pang araw-araw na tungkulin at responsibilidad bilang tagapagpatupad ng kaayusan sa kanilang mga nasasakupan.
Ang Tubigon PNP katuwang ang iba’t ibang sangay ng gobyerno ay patuloy na susuportahan at magsasagawa ng mga ganitong uri ng pagsasanay upang sila ay maging kaisa sa pagsugpo ng anumang uri ng kriminalidad.
