Cebu City – Mahigit Php8.1 milyong halaga ng shabu ang nasabat ng mga operatiba ng Cebu City PNP sa isinagawang buy-bust operation sa General Echavez St. Brgy. Lorega San Miguel, Cebu City nito lamang umaga ng Linggo, ika-02 ng Oktubre 2022.
Kinilala ni Police Colonel Ireneo B Dalogdog, Acting City Director ng Cebu City Police Office, ang suspek na si Leo James Mercader Cortes a.k.a “Leo”, 32, residente ng 37 L. Flores St. Brgy. Pasil, Cebu City at kabilang sa High Value Individual (HVI) Regional Level.
Ayon kay PCol Dalogdog, naaresto ang suspek bandang 2:35 ng madaling araw ng mga operatiba ng Station Drug Enforcement Unit (SDEU) ng Police Station 1, Cebu City Police Office sa pangunguna ni Police Major Efren Dela Cruz Diaz Jr., kasama ang Regional Intelligence Division (RID); Police Drug Enforcement Group (PDEG) at Cebu City Intelligence Unit.
Nakuha sa suspek ang nasa 1.2 kilo ng hinihinalang shabu na may Standard Drug Price na Php8,160,000, white paper bag at buy-bust money.
Kasong paglabag sa Section 5 at 11, Article II ng RA 9165 o ang Comprehensive Dangerous Drugs Act of 2002 ang kakaharapin ng suspek.
Ipagpapatuloy ng Cebu City Police Office ang kampanya kontra ilegal na droga upang maging ligtas, mapayapa at maayos ang ating komunidad.
