Pormal na pinasinayaan ang KKDAT o Kabataan Kontra Droga at Terorismo Corner na matatagpuan katabi ng Solana Police Station sa Centro Southeast Solana, Cagayan kahapon, Nobyembre 16.
Sa inisyatibo ni PCpt Samuel Lopez, hepe ng Solana PS, at iba pang stakeholders, matagumpay na naitayo ang KKDAT Corner na naglalayong ilapit ang kabataang Solanian sa mga kapulisan upang maging katuwang sa kampanya ng pamahalaan kontra iligal na droga at terorismo.
Ang nasabing KKDAT Corner ang kauna-unahang proyekto ng mga kabataan sa naturang bayan na magsisilbing multi-functional meeting place ng mga kabataan at pagdarausan ng iba pang mga aktibidad ng KKDAT.
Nagpahayag ng pasasalamat ang Bise Alkalde ng Solana sa PNP dahil sa makabuluhang programa para sa mga kabataan. Aniya, ang pagpapanatili ng kapayapaan at kaayusan ang pinakamalaking kontribusyon ng PNP Cagayan sa pag-unlad ng kanilang bayan.
Dagdag pa rito, nagbigay naman ng Php1-milyon ang opisina ng butihing mayor para sa pagpapatayo at pagsasaayos ng Maddarulug Police Community Precinct na gagawing Eco Tourism Park.
Nagpaabot din ng pasasalamat si Cagayan Provincial Director, Police Colonel Renell R. Sabaldica sa lokal na pamahalaan ng Solana dahil sa kanilang patuloy na pagsuporta at pagtulong sa mga proyekto at programa ng PNP Cagayan.
Dagdag pa ni PCol Sabaldica, ang KKDAT Corner ay isang patunay sa matibay at magandang samahan ng komunidad at ng kapulisan.
####
Panulat ni: Police Corporal Josephine T Blanche
Napakagandang proyekto po. Hindi lang po pang law enforcement ang ating mga kapulisan, kundi sila rin ay para sa community empowerment and community development. Tiyak na ang proyektong ito ay magbubunga ng mas matibay na ugnayan sa pagitan ng pulis at komunidad.