Pinangunahan ng mga miyembro ng Rizal Police Station ang pagsasagawa ng Community Outreach Program na ginanap nitong unang araw ng Oktubre taong kasalukuyan sa Battut, Rizal, Cagayan.
Masayang pinilahan ng mga residente ng Brgy. Battut ang hatid na feeding program ng grupo.
Samantala, nabigyan din ng food packs sa mga piling indigent family na nakatira sa naturang barangay alinsunod sa programang Adopt a Family Program.
Layon ng programa na makapagpaabot ng tulong sa mga kababayang kapus-palad at pagtibayin ang ugnayan ng Pambansang Pulisya at komunidad tungo sa kapayapaan, kaayusan at kaunlaran ng pamayanan.
Naging matagumpay ang aktibidad sa pagtutulungan ng Rizal PS; Regional Mobile Force Battalion 2; Mauanan Patrol Base; Tourist Police Unit; opisyal ng barangay; mga miyembro ng Kabataan Kontra Droga at Terorismo (KKDAT); My Brother’s Keeper Life-Coaches (MBK-LC); at iba pang mga stakeholders.
Tiniyak ni Police Major Magno T Catubag, Officer-In-Charge ng Rizal PNP na magpapatuloy pa ang mga ganitong programa upang ipadama ang malasakit sa mga residente sa kanilang nasasakupan at ilapit ang tulong ng pamahalaan sa kanilang lugar.
Source: Rizal PS
Panulat ni Police Corporal Carla Mae P Canapi
