Gingoog City – Arestado ang Top 5 City Most Wanted Person sa kasong Robbery sa isinagawang intel driven operation ng Regional Mobile Force Battalion 10 at Gingoog PNP sa Purok 6, Brgy. 24-A, Gingoog City nito lamang Biyernes, Setyembre 30, 2022.
Kinilala ni Police Captain Arnold Formento, Company Commander ng 1001st Maneuver Company, Regional Mobile Force Battalion 10, ang suspek na si John Jobert Borromeo, 32 at residente ng Purok 6, Brgy. 24-A, Gingoog City.
Ayon kay PCpt Formento, bandang 5:30 ng umaga nadakip ang suspek ng mga tauhan ng 1001st MC, RMFB 10 katuwang ang Gingoog City Police Station sa bisa ng Warrant of Arrest sa kasong Robbery na may rekomendadong piyansa na Php100,000.
Ang Police Regional Office 10 ay patuloy na nagsasagawa ng mga operasyon laban sa mga Wanted Persons sa buong rehiyon upang siguraduhin ang katahimikan at kaayusan sa tulong ng komunidad para makamit ang kaunlaran sa rehiyon.
Panulat ni Patrolman Joshua Fajardo/ RPCADU 10
