Santander, Cebu – Masugid na nakibahagi ang mga miyembro ng Santander Municipal Police Station sa Tree Planting Activity na isinagawa sa Sitio Tulabugan, Brgy. Talisay, Santander, Cebu nito lamang umaga ng Biyernes, Setyembre 30, 2022.
Ang aktibidad ay pinangunahan ng mga kawani ng Lokal na Pamahalaan ng Santander na pinamumunuan ni Hon. Marites B Buscato, alkalde sa naturang bayan na aktibo namang nilahukan ng mga miyembro ng Santander MPS, Barangay Officials, Advocacy Support Group, at mga residente ng nabanggit na lugar.
Ayon naman sa Hepe ng Santander MPS na si Police Lieutenant Michael G Calurian, ang naturang aktibidad ay bahagi ng mga nakatakdang gawain ng naturang bayan bilang pakikiisa sa pagdiriwang ng Civil Service Month na may temang: “Transforming Public Service in the next decade Honing Agile and Future-ready Servant-Heroes”.
Sa nasabing programa ay nakapagtanim ang grupo ng nasa mahigit 100 piraso ng puno.
Bilang bahagi ng matagumpay na aktibidad ay hinimok ang lahat ng naging kabahagi nito na patuloy na makiisa sa mga programa at gawain na nagsusulong para sa kaayusan at kagandahan ng kapaligiran at maging sa pagpapanatili ng kaligtasan ng mamamayan.
