Burgos, Ilocos Norte – Arestado ang isang Top 1 Municipal Most Wanted Person sa kasong P.D. 533 o “Anti-Cattle Rustling Law of 1974” ng Burgos PNP sa Baggao, Cagayan nito lamang Huwebes, ika-29 ng Setyembre 2022.
Kinilala ni Police Lieutenant Carlo M Rabago, Chief of Police ng Burgos Municipal Police Station, ang suspect na si Melvin Buscas y Rico, 25, residente ng Brgy. Poblacion Burgos, Ilocos Sur at tubong taga Brgy. San Miguel, Baggao, Cagayan.
Ayon kay PLt Rabago, naaresto ang suspek bandang 1:00 ng umaga ng mga operatiba ng Burgos Municipal Police Station (lead unit) at Baggao MPS, Cagayan PPO.
Ayon pa kay PLt Rabago, naaresto ang suspek sa bisa ng Warrant of Arrest sa kasong P.D. 533 “Anti-Cattle Rustling Law of 1974” na may inirekomendang piyansa na Php108,000.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Burgos MPS
Panulat ni PSSg Lhenee B Valerio
