Binangonan, Rizal – Tinatayang Php272,000 halaga ng shabu ang nasabat sa isang High Value Individual (HI) sa joint buy-bust operation ng PNP DEG at Binangonan PNP nito lamang Huwebes, Setyembre 29, 2022.
Kinilala ni Police Brigadier General Jose Melencio Nartatez Jr., Regional Director, Police Regional Office 4A, ang suspek na si Romeo Masinda Sulayao alyas “Miyong”, HVI.
Ayon kay PBGen Nartatez Jr, bandang 7:30 ng gabi naaresto ang suspek sa 154 Urban Street, Villamayor Compound, Brgy. Pag-asa, Binangonan, Rizal ng pinagsamang operatiba ng Regional Police Drug Enforcement Unit 4A at Binangonan Municipal Police Station.
Narekober sa suspek ang limang pirasong hot-sealed transparent plastic sachets ng hinihinalang shabu na may timbang na 40 gramo at tinatayang nagkakahalaga ng Php272,000, isang pirasong tunay na Php1,000 bill, walong pirasong pekeng Php1,000 bill bilang buy-bust money, tatlong pirasong Php100 bill, isang caliber .45 Colt na may Serial No. 025883, dalawang pirasong magazine ng cal .45, tatlong pirasong bala, at isang pirasong aluminum case.
Nahaharap ang suspek sa kasong paglabag sa Section 5 at 11, Article ll ng Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Ipagpapatuloy ng Rizal PNP ang kampanya laban sa ilegal na droga at mga ilegal na baril upang mas maging ligtas, maayos at tahimik ang lalawigan ng Rizal.
Source: Police Regional Office 4A
Panulat ni Police Staff Sergeant Donabel Dulin
