Malaybalay City – Nagsagawa ng Community Outreach Program ang mga tauhan ng Malaybalay City PNP sa Brgy. 1 Malaybalay City, Bukidnon nito lamang Huwebes, Setyembre 29, 2022.
Ayon kay Police Lieutenant Colonel Ritchie Salva, Hepe ng Malaybalay City Police Station, ang nasabing programa ay naisakatuparan katuwang ang mga miyembro ng Philippine Wide Anti-Smoking Operation for Health (PWASOH).
Ang mga benepisyaryo ng nasabing programa ay nakatanggap ng mga food packs at face mask na lubos na makakatulong sa kanila, lalo na ngayon na ang karamihan sa ating mga kababayan ay nagsisimula palang bumangon dahil sa pandemya.
Ang nasabing programa ay naayon sa programa ng Pambansang Pulisya ng Pilipinas na KASIMBAYANAN (Kapulisan, Simbahan at Pamayanan) at Malasakit, Kaayusan at Kapayapaan tungo sa Kaunlaran na kapag ating pinagsama ay ating tatamasain ang lubos na pag-unlad ng ating bansa.
Panulat ni Pat Nicole Villanueva/RPCADU 10
