Samar – Nasabat ng PNP-PDEA 8 ang tinatayang Php340,000 na halaga ng shabu sa isinagawang buy-bust operation sa Brgy. East Awang, Calbayog City, Samar nito lamang Martes, September 27, 2022.
Kinilala ni Police Colonel Peter Uy Limbauan, Officer-In-Charge ng Samar Police Provincial Office, ang mga naaresto na sina Bernadith G. Maghacot, 53 anyos, residente ng Sitio Punta, Pido extension, Brgy. East Awang, Calbayog City at Paulo L. Absalon na nadatnan ng mga awtoridad sa bahay ni Maghacot.
Ayon kay PCol Limbauan, pasado alas 9:30 ng umaga naaresto ang mga suspek sa joint operation ng PDEA Regional Office 8-Northern Samar Police Provincial Office, Samar Police Provincial Office, RSET, PDEU-Samar PPO at Calbayog City Police Station.
Nakumpiska sa mga suspek ang isang bulto ng shabu na tumitimbang ng 50 gramo at nagkakahalaga ng Php340,000, dalawang heat-sealed transparent plastic sachet na naglalaman din ng hinihinalang shabu, cash money na Php6,690 at iba pang drug paraphernalia.
Nahaharap ang mga naaresto sa paglabag sa RA 9165 o Comprehensive Dangerous Drugs Act of 2002.
Hinihikayat naman ng kapulisan ang bawat miyembro ng komunidad para sa patuloy na pagtitiwala at pakikiisa sa mga programa ng PNP hinggil sa pagpapanatili ng kaligtasan, katahimikan at kapayapaan ng probinsya laban sa banta ng droga at anumang uri ng ilegalidad.
Panulat ni Patrolwoman Rialyn B Valdez
