NAIA Terminal 3, Pasay City – Tinatayang Php19,610,000 halaga ng cocaine ang nakumpiska ng mga operatiba ng PNP at PDEA sa isang dayuhang pasahero sa Customs International Arrival Area, NAIA Terminal 3, Pasay City noong ika-27 ng Setyembre 2022.
Kinilala ni PCol Anthony A Aberin, Acting Director ng AVSEGROUP, ang dayuhang pasahero na si Stephen Jozeph Szuhar, 75 taong gulang, sakay ng eroplano mula Doha, Qatar.
Ayon kay PCol Aberin, nasamsam ng mga operatiba ng AVSEU NCR at mga miyembro ng AVSEGROUP NAIA IADITG, sa ilalim ng pangangasiwa ni PCol Cesar T Gerente, Hepe ng AVSEU NCR, kasama ang PDEA bilang lead agency ng operasyon, sa pangunguna ni IO3 Gerald Javier, Deputy Task Group Commander NAIA IADITG, ang hinihinalang ilegal na droga na may bigat na 3.7 kgs na may street value na Php19,610,000.
Nahaharap ang nasabing dayuhan sa kasong paglabag sa RA 9165 o kilala rin sa tawag na “Comprehensive Dangerous Drugs Act of 2002.”
