Alcala, Pangasinan – Arestado ng mga operatiba ng PNP ang isang construction worker mula Alcala, Pangasinan sa kasong Rape nito lamang Sabado, Setyembre 24, 2022.
Kinilala ni Police Major Regin E. Cabico, Officer-In-Charge ng Alcala Municipal Police Station, ang suspek na si Xsydny Nario y Balagot, 22, construction worker, at residente ng Brgy. Pindangan West, Alcala, Pangasinan.
Dagdag pa ni Police Major Cabico, bandang 10:10 ng umaga nang naaresto ang suspek sa kanyang tinutuluyan na bahay sa Brgy. Dinadiaoan, Dipaculao, Aurora na pinangunahan ng Alcala MPS katuwang ang Dipaculao MPS.
Ayon pa kay Police Major Cabico, naaresto ang suspek sa bisa ng Warrant of Arrest sa kasong Rape na walang rekomendadong piyansa.
Ang pagkakaaresto sa suspek ay bunga ng pakikiisa ng mga mamamayan sa adhikain ng PNP na mahuli ang mga wanted persons upang mapanagot sila sa kanilang mga kasalanan.
Source: Alcala Municipal Police Station
Panulat ni Patrolman Viljon Anthony A. Comilang
