Tacloban City – Arestado ang dalawang indibidwal sa ikinasang buy-bust operation ng mga operatiba ng PNP-PDEA 8 sa Brgy. 105 Suhi, San Isidro, Tacloban City nito lamang Biyernes, Setyembre 23, 2022.
Kinilala ni Police Captain Juan Eliezer A Abellon, Officer-In-Charge ng Tacloban City Police Station 3, ang mga naaresto na sina alyas “Chris”, 33, binata, walang trabaho, at alyas “Lody”, 22, walang trabaho at kapwa residente ng Brgy. 105 Suhi, San Isidro, Tacloban City.
Ayon kay PCpt Abellon, naaresto sina alyas “Chris” at alyas “Lody” ng mga tauhan ng Police Station 3 Drug Enforcement Unit at sa koordinasyon ng Philippine Drug Enforcement Agency-Regional Office 8.
Narekober sa mga naaresto ang labing-isang pirasong heat-sealed transparent plastic sachet na naglalaman ng puting crystalline substance na hinihinalang shabu na may tinatayang halaga na Php30,000 at isang unit ng caliber .38 revolver spl. Armscor 202 na may labintatlong bala.
Nahaharap ang mga naaresto sa kasong paglabag sa Section 5 at 11 ng Article II ng RA 9165 o ang Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Ang Tacloban City PNP ay patuloy sa kampanya laban sa ilegal na droga at iba pang krimen upang mapanatili ang kaayusan at kaligtasan ng komunidad.
Panulat ni Patrolwoman Rialyn B Valdez
