Sebaste, Antique – Tuloy-tuloy na umarangkada ang Adopt a Family Program ng Sebaste Municipal Police Station nitong ika-23 ng Setyembre 2022 sa dalawang Barangay sa Sebaste, Antique.
Pinangunahan ni Police Lieutenant Jose J Boston, Officer-In-Charge, ang pamamahagi ng food packs sa mga Indigent Family sa Brgy. Abiera at Brgy. Nauhon ng nabanggit na bayan.
Alinsunod ang programa sa Malasakit peace and security framework ng PNP na may layuning mabahagian ng anumang uri ng tulong ang ating mga kababayan sa lahat ng sulok ng bansa.
Tiniyak naman ng Sebaste MPS na patuloy pa itong magsasagawa ng mga hakbangin upang masiguro ang kaayusan ng komunidad sa pamamagitan ng pagbabahagi ng mga pangunahing pangangailangan at pakikipag-ugnayan sa iba’t ibang ahensya ng pamahalaan upang makapaghatid ng tunay na serbisyong may malasakit.
