Ligao City – Hindi nagdalawang isip na tinulungan ng mga kapulisan ng Ligao City ang isang Lolo na nasiraan ng bisikleta sa Ligao City nito lamang Biyernes, Setyembre 23, 2022.
Kinilala ang mga matulungin na pulis na sina Police Lieutenant Ostonal, Police Corporal Maceda at Patrolman Ocfemia.
Habang nagpapatrolya ang ating kapulisan ay pumukaw sa kanilang mata ang isang 64 taong gulang na lolo na tinutulak ang kanyang sirang bisikleta at may mga bitbit pang kagamitan. Galing daw umano siya sa kanyang sinasaka subalit ng pauwi na siya ay nasira ang kanyang bisikleta kaya tinulak na lamang niya ito.
Walang pag-aalinlangan namang tinulungan ng ating mga kapulisan na isakay ang bisikleta sa mobile car upang maihatid si lolo sa kanyang bahay.
Labis naman ang kasiyahan ng matanda at paulit-ulit siyang nagpapasalamat sa mga kapulisan ng Ligao City PNP.
Tunay ngang “Life is Beautiful” dahil sa ganitong pagkakataon ay walang inaaksayang oras ang ating kapulisan na tulungan ang ating kababayan na higit na nangangailangan ng tulong.
