Cagayan – Timbog ang isang 57-anyos na magsasakang tulak ng droga sa isinagawang operasyon ng Cagayan PNP at PDEA sa Sitio Divisoria, Barangay Sampaguita, Solana, Cagayan nitong ika-21 ng Setyembre 2022.
Kinilala ni Police Major Darwin John B Urani, Hepe ng Solana Police Station, ang suspek na si Alyas Romeo na residente ng Barangay Alabug, Tuao West, Cagayan.
Ayon kay PMaj Urani, hepe ng Solana Police Station, naaresto ang suspek bandang 3:10 ng hapon matapos magbenta ng isang nakatuping calendar paper na naglalaman ng hinihinalang marijuana sa pulis na nagpanggap na poseur buyer.
Nakumpiska mula sa suspek ang isang daang piso na ginamit bilang buy-bust money, isang yunit ng cellphone, isang yunit ng Caliber 45 Armscore na baril at mga bala.
Nahaharap ang suspek sa kasong paglabag sa Section 5 ng Republic Act 9165 o Comprehensive Dangerous Drugs Act of 2002 at paglabag sa Republic Act 10591 (Comprehensive Firearms and Ammunition Regulation Act).
Samantala, sinabi ni PMaj Urani na mas lalo pa nilang papaigtingin ang kanilang kampanya laban sa kriminalidad upang masiguro ang kaligtasan ng mga mamamayan. Hinikayat din niya ang komunidad na patuloy na makipagtulungan sa kapulisan sa kanilang kampanya sa pagpapanatili ng kaayusan sa pamayanan.
Source: Solana Police Station
Sa panulat ni Police Staff Sergeant Mary Joy D Reyes
