Tacloban City – Arestado ang isang truck driver matapos tangkain na suhulan ang isa sa mga tauhan ng Tacloban City Police Station 2 sa Barangay 93 Bagacay, Tacloban City nitong Martes, ika-20 ng Setyembre 2022.
Kinilala ni Police Major Winrich Laya A Lim, Station Commander ng Tacloban City PS 2 ang naaresto na si alyas “Federico”, 47 taong gulang at residente ng Brgy. Hindang, Borongan City.
Ayon kay PMaj Lim, bandang 6:00 ng gabi naaresto si alyas “Federico” ng tangkain na suhulan nito si Police Chief Master Sergeant Kenith Lagunzad na naka-duty bilang foot patroller kasama ang duty officer ng Traffic Operation Management Enforcement and Control Office (TOMECO) matapos bigyan ng citation ticket ang driver ng pulang wing van truck na ilegal na nakaparada at nagdudulot ng traffic.
Ayon pa kay PMaj Lim, 500-peso bill ang iniabot kay PCMS Lagunzad bilang suhol o areglo.
Agad na dinakip ang nasabing driver at dinala ito sa Tacloban City PS2 para sa tamang disposisyon.
Nahaharap ang naaresto sa kasong Corruption of Public Official.
Patunay lamang ito na napakarami pa ring miyembro ng PNP ang tapat sa kanilang uniporme at tungkuling panatilihin ang kaayusan ng ating lipunan.
Panulat ni Patrolwoman Rialyn B Valdez
