Cebu City – Nasabat ang tinatayang Php7,418,120 sa buy-bust operation ng mga operatiba ng Cebu City PNP nito lamang Martes, ika-20 ng Setyembre 2022.
Kinilala ni Police Colonel Ernesto Salvador T Tagle, Acting City Director ng Cebu City Police Office, ang suspek na si John Mark Soncados Cuizon a.k.a. “Okong”, 26, residente ng Sitio Mahayahay I, Brgy. Pasil, Cebu City at kabilang sa High Value Individual (HVI) Regional Level.
Ayon kay PCol Tagle, naaresto ang suspek bandang 9:50 ng gabi sa Block 3, Brgy. Suba, Cebu City ng mga operatiba ng Station Drug Enforcement Unit (SDEU) ng Police Station-6, CCPO sa pangangasiwa ni Police Major Erano Sanchez Regidor, Station Commander.
Nakuha sa naturang suspek ang tinatayang 1,090.9 gramo ng hinihinalang shabu na may Standard Drug Price na Php7,418,120, isang gray sling bag at buy-bust money.
Samantala, dinala naman sa Regional Crime Laboratory Office 7 ang mga nakuhang ebidensya para sa pagsusuri.
Mahaharap naman si Cuizon sa kasong paglabag sa Sections 5 at 11, Article II ng RA 9165 o ang Comprehensive Dangerous Drugs Act of 2002.
Patuloy na sinisikap ng Cebu City Police Office na gawing Drug Free ang naturang lungsod upang makamit ang iisang layunin na mapayapa at maayos na pamayanan.
