Zamboanga City – Tinatayang nasa Php1,260,000 halaga ng smuggled cigarettes ang nasabat sa isinagawang seaborne patrol sa karagatan ng Manalipa Island, Zamboanga City nito lamang Setyembre 20, 2022.
Kinilala ni Police Brigadier General Neil Alinsangan, Acting Regional Director ng Police Regional Office 9, ang tatlong suspek na sina Arjay Ismael Salim, 35; Jabar Sali Tingkahan, 28; at Asmad Ismael Tingkahan, 43.
Ayon kay PBGen Alinsangan, bandang 5:40 ng hapon nang naaresto ang tatlong suspek sa karagatan ng Manalipa Island, Zamboanga City ng mga operatiba ng 2nd Zamboanga City Mobile Force Company “Seaborne”, Bureau of Customs Intelligence and Investigation Service (CIIS) at Enforcement and Security Service (ESS).
Nasabat sa tatlong suspek ang 31 boxes ng Master New Berlin Red at limang kahon ng Master New Far Menthol na mga smuggled cigarettes na may tinatayang halaga na Php1,260,000 na lulan ng motorized wooden craft na mas kilala sa tawag na “Jungkong”.
Nahaharap ang tatlong suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang pagpapaigting na kampanya laban sa mga smuggled cigarettes ay kaugnay sa CPNP’s Peace and Security Framework na Malasakit + Kaayusan+ Kapayapaan= Kaunlaran at KASIMBAYANAN.
Ang Pambansang Pulisya ay patuloy ang pagpapaigting sa kampanya laban sa smuggled cigarettes. Ito ang resulta ng kooperasyon ng mga mamamayan na kaagapay sa pagpapanatili ng kaayusan at katahimikan ng ating pamayanan.
Source: Zamboanga City Police Office
Panulat ni Police Staff Sergeant Grace Neville Ortiz
