Barangay Abella, Naga City – Tinatayang Php102,000 halaga ng shabu ang nakumpiska sa isang suspek sa ikinasang entrapment operation ng Naga City PNP at PDEA RO5 sa Zone 4, Barangay Abella, Naga City nito lamang Lunes, Setyembre 19, 2022.
Kinilala ni Police Colonel Nelson Pacalso, City Director ng Naga City Police Office ang suspek na si Allan Velasco y Kilatis, 47, at residente ng nabanggit na lugar.
Ayon kay PCol Pacalso, bandang 6:50 ng gabi ikinasa ang entrapment operation ng pinagsanib na mga operatiba ng Naga City Drug Enforcement Unit, Naga City Intelligence Unit, Naga City Police Station 1, sa pakikipag-ugnayan sa PDEA RO5.
Ayon pa kay PCol Pacalso, ang suspek ay nahuling inflagrante delicto o huli sa akto habang nagbebenta ng tatlong sachet ng hinihinalang shabu kapalit ang Php45,000.
Sa isinagawang body search ay narekober mula sa suspek ang kabuuang 15 na gramo ng hinihinalang shabu na nagkakahalaga ng Php102,000.
Nahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
“This accomplishment is once again a manifestation of support by PRO5 Kasurog Cops on the advocacy of the PNP organization for peace and progress. We likewise enjoin the community, as an integral part, and a vital role in the government’s effort to pursue our sacred mandate to Serve and Protect”, pahayag ni PBGen Rudolph B. Dimas, Regional Director ng PRO5.
Source: KASUROG Bicol
Panulat ni Pat Rodel Grecia
