Abulug, Cagayan – Nagsagawa ang mga tauhan ng Abulug Police Station ng isang symposium patungkol sa Anti-Criminality sa Libertad National High School, Brgy. Libertad, Abulug, Cagayan noong ika-19 ng Setyembre 2022.
Tinalakay ni Police Lieutenant Shiela Joy N Fronda, Deputy COP ng Abulug, ang mga batas tulad ng RA 9262 o Anti-Violence Against Women and their Children Act of 2004, RA 7610 o Child Abuse, RA 8353 o Rape at Human Rights na siyang naging sentro ng nasabing symposium.
Ang programa ay dinaluhan ng mga magulang ng mga mag-aaral mula sa Grade 7 hanggang Grade 12. Samantala, tinalakay rin ni PCpl Karen Joy Dela Cruz, KKDAT Handler ang RA 9165 o kilala sa tawag na Comprehensive Dangerous Drugs Act of 2002.
Binigyang diin rin ang maigting na implementasyon ng kapulisan sa mga paglabag ng PD 705 o Illegal Logging, PD 1602 o Illegal Gambling, mga ordinansa gaya ng curfew at pagsusuot ng helmet.
Inilahad din ang mga iba’t ibang proyekto at programa ng PNP Abulug sa ilalim ng pamumuno ni Police Captain Julius D Villamor Jr, Chief of Police.
Ang naganap na symposium ay isa lamang ito sa mga aktibidad ng kapulisan upang maiparating sa mga mamamayan ang mga impormasyon kontra-krimen at upang maiwasang masangkot ang kanilang mga anak sa anumang kapahamakan lalong lalo na sa impluwensya ng ipinagbabawal na gamot.
Source: Abulug PS
