Talisay City, Cebu – Tinatayang Php13,600,000 halaga ng shabu ang nasabat ng mga operatiba ng Talisay City PNP sa isinagawang buy-bust operation nito lamang Linggo, ika-18 ng Setyembre 2022.
Kinilala ni Police Brigadier General Roque Eduardo DP Vega, Regional Director ng Police Regional Office 7, ang suspek na sina Stephen Minguito Mitante, 19, at Jerry Minguito Bionson, 29, parehong residente ng Sitio Magsaysay, Barangay Suba, Cebu City.
Ayon kay PBGen Vega, naaresto ang dalawang suspek bandang 7:55 ng gabi sa Upper Mohon, Barangay Mohon, Talisay City, Cebu ng mga operatiba ng Provincial Drug Enforcement Unit, Cebu Police Provincial Office (CPPO); Provincial Intelligence Unit (PIU), CPPO; Regional Police Drug Enforcement Unit (RPDEU) 7; Talisay City Police Station (CPS), CPPO at Naval Intelligence and Security Group (NISG)-Central.
Nakuha sa mga suspek ang tinatayang 2 kilos ng hinihinalang shabu na may Standard Drug Price na Php13,600,000, isang bag pack, cellphone at buy-bust money.
Nahaharap ang mga suspek sa paglabag sa Section 5 at 11, Article II ng RA 9165 o ang Comprehensive Dangerous Drugs Act of 2002.
Patuloy na susugpuin ng kapulisan ng Central Visayas ang mga personalidad na nasa likod ng kalakaran ng ilegal na droga sa kanilang mga nasasakupan upang sa gayon ay makamit ang iisang layunin na kaayusan at mapayapang pamayanan.
