General Santos City – Nakilahok ang mga tauhan ng Police Regional Office 12 sa isinagawang run for a cause na tinaguriang “Run for Humanity” na ginanap sa Oval, Plaza, General Santos City nito lamang Ika-18 ng Setyembre 2022.
Ayon kay Police Brigadier General Jimili L Macaraeg, Regional Director ng Police Regional Office 12, naging katuwang din ng PNP ang LGU-GenSan, Bureau of Fire Protection, Armed Force of the Philippines, Bureau of Jail Management and Penology, Philippine Coast Guard, Department of Education, Philippine Red Cross at Criminology Intern Students mula sa iba’t ibang paaralan ng lungsod.
Sila ay sama samang tumakbo mula sa Oval Plaza Park paikot hanggang sa kahabaan ng San Miguel Street na may habang 3 at 5 na kilometro.
Ang naturang aktibidad ay pinangasiwaan ng Philippine Red Cross, at ang nakalap na pondo ay gagamitin sa iba’t ibang proyekto, programa, o life-saving services ng pamahalaan.
Buong puso namang pinasalamatan ni PBGen Macaraeg ang mahigit 150 PNP personnel runners na nakiisa at sumuporta sa nasabing aktibidad.
Source: Police Regional Office 12
Panulat ni Patrolman Khnerwin Jay A Medelin
