Talisayan, Misamis Oriental – Arestado ang isang lalaki sa kasong paglabag sa RA 10591 sa isinagawang One Time, Big Time (OTBT) Checkpoint ng 3rd Platoon, 1001st Maneuver Company – Regional Mobile Force Battalion 10 nito lamang Sabado, Setyembre 17, 2022.
Kinilala ni Police Captain Arnold Formento, Company Commander ng 1001st MC – RMFB 10, ang suspek na si Bryan Cesar, 41, residente ng Brgy. 11, Cabilto, Gingoog City, Misamis Oriental.
Ayon kay PCpt Formento, bandang 3:34 ng hapon nang naharang ang suspek sa P4, Brgy. Punta Santiago, Talisayan, Misamis Oriental, sakay ng raider 150 motorcycle na may Temporary Plate No. 1001-225140.
Nakuha mula sa suspek ang isang Cal 9mm na may Serial no. 186715, dalawang black short steel magazine, 16 pirasong bala, isang holster at isang sling bag.
Ang suspek ay nahaharap sa kasong paglabag sa Republic Act 10591 o Comprehensive Firearms and Ammunition Regulation Act.
Ang pagpapaigting na kampanya sa katahimikan at seguridad ay kaugnay sa CPNP’s Peace and Security Framework na Malasakit + Kaayusan + Kapayapaan = Kaunlaran at KASIMBAYANAN.
Panulat ni Patrolman Joshua Fajardo/RPCADU 10
