Basud, Camarines Norte – Arestado ang isang lalaki sa isinagawang Search Warrant operation ng Camarines Norte PNP na nagresulta sa pagkakarekober ng isang baril sa Sitio Del Carmen, Purok 2, Barangay Angas, Basud, Camarines Norte nito lamang Setyembre 14, 2022.
Kinilala ni Police Major Melvin B. Atacador, Chief of Police ng Basud Municipal Police Station ang suspek na si Gregorio Jamito y Ibasco alyas “Goyong”, 54, may asawa at residente ng nabanggit na lugar.
Ayon kay PMaj Atacador, isinagawa ang Search Warrant bandang 3:50 ng umaga ng pinagsanib na operatiba ng Basud Municipal Police Station, Camarines Norte Provincial Intelligence Unit at Camarines Norte Maritime Police Station.
Ayon pa kay PMaj Atacador, narekober mula sa suspek ang isang cal .45 pistol na walang trademark, walang serial number at isang magazine na kargado ng limang bala.
Mahaharap ang suspek sa kasong paglabag sa RA 10591 o ang Comprehensive Firearms and Ammunition Regulation Act.
Ang Police Regional Office 5 ay patuloy sa mandato na ipatupad ang batas at siguraduhin ang kaligtasan ng bawat mamamayan.
Source: Camarines Norte Police Provincial Office
Panulat ni Pat Rodel Grecia
