Cebu City – Aktibong nakiisa ang mga tauhan ng Cebu City Police Office sa isinagawang International Coastal Clean-up Day 2022 sa Il Corso Lifemalls, South Road Properties, Cebu City nito lamang umaga ng Sabado, ika-17 ng Setyembre 2022.
Masugid na nilahukan ng mga tauhan ng Cebu City Police Office sa pangunguna ni Police Lieutenant Colonnel Janette Rafter, Deputy City Director for Operation, katuwang ang Local Government Unit, Department of the Interior and Local Government, PSA, Philippine Navy, at iba pang mga ahensya ng gobyerno ang naturang aktibidad.
Ang aktibidad na ito ay alinsunod sa pagdiriwang ng International Coastal Clean-up (ICC) day na naglalayong linisin ang mga baybayin, ilog at paligid upang maprotektahan sa pagkasira dulot ng polusyon na may temang “Understand and Beat Marine Pollution.”
Ang Cebu City Police Office ay patuloy na makikiisa sa mga ganitong uri ng aktibidad upang mapanatili ang kaayusan ng ating kapaligiran.
Panulat ni Patrolman Aivan M Guisadio
