Calintaan, Occidental Mindoro – Arestado ang limang indibidwal sa isinagawang Anti-illegal gambling operation ng Calintaan Municipal Police Station sa Brgy. New Dagupan, Calintaan, Occidental Mindoro nito lamang Setyembre 15, 2022.
Kinilala ni Police Colonel Jun Dexter Danao, Officer-In-Charge ng Occidental Mindoro Police Provincial Office, ang mga suspek na si alyas “Lando”, alyas “Kido”, alyas “Rome”, alyas “Manong”, at alyas “Bobby” habang nakatakas naman ang isa pa sa mga suspek na pawang mga residente ng Brgy. New Dagupan, Calintaan, Occidental Mindoro.
Ayon pa kay PCol Danao, isinagawa ng Calintaan MPS ang nasabing operasyon bandang 3:15 ng hapon na kung saan naaktuhan ang mga suspek na nagsusugal habang naglalaro ng pool.
Ang mga suspek ay nahaharap sa kasong paglabag sa Presidential Decree 1602 o Illegal Gambling.
Ayon pa kay PCol Danao, narekober sa mga nahuli ang 14 na piraso ng pityas, apat na tako, isang set ng baraha, at pera na gamit sa pustahan.
Ito ang resulta ng direktiba mula sa Officer-In-Charge ng Occidental Mindoro Police Provincial Office na si Police Colonel Jun Dexter Danao ukol sa lalo pang pagpapaigting ng kampanya kontra ilegal na gawain sa lalawigan ng Occidental Mindoro.
Source: Occidental Mindoro Police Provincial Office
Panulat ni Patrolman Jorge Michael C Bardiago
