Calamba City, Laguna – Aktibong nakilahok ang Antipolo City PNP sa isinagawang Bloodletting Activity sa Bigkis Lahi Event Center, Camp BGen Vicente P Lim, Brgy. Mayapa, Calamba City, Laguna nito lamang Setyembre 15, 2022.
Ang aktibidad ay may temang “Dugong Handog ng Kapulisan, Dugtong Buhay para sa ating Kababayan”.
Ang aktibidad ay pinangunahan ng Philippine Red Cross katuwang ang mga tauhan ng Antipolo City Police Station sa pangangasiwa ni Police Lieutenant Colonel June Paolo Abrazado, Chief of Police at iba pang kapulisan ng Calamba.
Dumaan sa iba’t ibang screening upang masiguro ang kanilang kaligtasan pati na rin ang mga benepisyaryo ng nalikom na dugo.
Layunin nitong makalikom, makatulong at makapagbahagi ng libreng dugo sa mga pasyenteng may malulubhang karamdaman at nangangailangan ng dugo upang madugtungan ang kanilang buhay at maibsan ang alalahaning gastos ng kanilang mga pamilya.
Source: Antipolo PNP
Panulat ni Police Staff Sergeant Donabel Dulin
