Belison, Antique – Nakiisa ang mga tauhan ng Belison Municipal Police Station sa pangunguna ni Police Lieutenant Irene I Danao, Officer-In-Charge sa isinagawang Medical Mission sa pamamagitan ng Bloodletting Activity nitong Setyembre 15, 2022 sa Brgy. Poblacion, Belison, Antique.
Ang aktibidad ay pinangunahan ng Belison Municipal Health Office sa pamumuno ni Dr. Heine Baladjay-Lomugdang katuwang ang Red Cross, mga Barangay Officials ng nasabing barangay at ng iba’t ibang mga stakeholders at partner agencies ng nasabing bayan.
Nagpasalamat naman si Police Lieutenant Danao sa mga nakiisa upang maging matagumpay ang naturang aktibidad lalo na sa Belison Local Government Unit sa pangangasiwa ni Mayor Christopher H Piccio na walang humpay na sumusuporta sa lahat ng mga programa na may kaugnayan sa kaayusan ng komunidad.
Ang PNP ay tuloy-tuloy sa pagpapatupad ng mga programang may malasakit at kaayusan tungo sa pang-matagalang kapayapaan at kaunlaran.
