Daet, Camarines Norte – Arestado ang isang lalaki sa ikinasang Manhunt Charlie Operation ng Daet PNP para sa kasong 2 Counts of Rape thru Sexual Assault in Relation to RA 7610 sa Purok 5, Barangay Magang, Daet, Camarines Norte nitong Miyerkules, Setyembre 14, 2022.
Kinilala ni Police Lieutenant Colonel Arnel D De Jesus, Chief of Police ng Daet Municipal Police Station, ang suspek na si alyas “Rey”, 61, may asawa, isang electrician at residente ng nabanggit na lugar.
Ayon kay PLtCol De Jesus, nadakip ang suspek sa bisa ng Warrant of Arrest ng mga tauhan ng Daet MPS para sa kasong 2 Counts of Rape thru Sexual Assault in Relation to RA 7610 na may rekomendadong piyansa na Php200,000 bawat kaso.
Ayon pa kay PLtCol De Jesus, sekswal na inabuso ni alyas “Rey” ang 10-anyos na anak ng pamangkin nito noong buwan ng Mayo taong 2020 sa Barangay Magang, Daet, Camarines Norte.
Layunin ng Pambansang Pulisya na mabigyan ng hustisya at pag-asa ang mga biktima upang mapanagot ang mga taong may pananagutan sa batas, lalo na ang mga umaabuso at lumapastangan sa kahinaan ng kababaihan at kabataan.
