PRO 12, General Santos City – Tahasang kinondena ng Police Regional Office 12 ang ginawang pamamaril sa isang pulis sa Purok 2, Sitio Cagduyong, Barangay Ginablan, Pilar, Sorsogon nito lamang Setyembre 14, 2022.
Kinilala ang biktima na si Patrolman Bryan Benjamin Singco, 40, may asawa, miyembro ng PNP, at kasalukuyang nakatalaga sa Pikit Municipal Police Station, Pikit, Cotabato.
Ayon sa ulat ng Pikit Municipal Police Station, nilapitan ng hindi pa nakikilalang mga suspek ang biktima habang inaayos ang bakod nito sa kanyang tahanan at pinagbabaril ito gamit ang Caliber .45 pistol kung saan mabilis na tumakas ang salarin gamit ang motorsiklong dala ng kasama.
Agad namang isinugod ang biktima sa Cruzado Medical Clinic and Hospital, Pikit, Cotabato. Hanggang sa ngayon ay ginagamot parin ang natamong tama ng bala sa tiyan ng biktima.
Mariing kinokondena ng buong hanay ng PRO12 ang ganitong klase ng pag-atake sa hindi makataong pagkilos at walang pakundangang pamamaril sa mga alagad ng batas na ang hangarin lamang ay magsilbi sa mamamayan at sa bayan.
Ang PRO12 sa pamumuno ni PBGen Jimili L Macaraeg ay magsasagawa ng mga operasyon at malalimang pag-iimbestiga upang mahuli ang mga salarin sa pamamaril.
Itinaas na din ang security alert status ng PRO 12 kasabay ng pagpapaigting ng kampanya upang hadlangan at mapigilan ang iba’t ibang uri ng kriminalidad sa buong rehiyon.
Source: Police Regional Office 12 – Public Information Office
Panulat ni Patrolman Khnerwin Jay A Medelin
