Isabela – Muling umarangkada upang magbigay ng tulong ang programang Oplan Mammangi ng Ilagan City PNP na naganap nito lamang Martes, ika-13 ng Setyembre 2022 sa Brgy. Fugu, City of Ilagan, Isabela.
Kasama sa aktibidad ang Regional Mobile Force Battalion 2, Regional Training Unit 2, Barangay Peacekeeping Action Team (BPATs), at mga miyembro ng Kabataan Kontra Droga at Terorismo (KKDAT) ay masigla at masayang nag-ani ng mais ang mga kapulisan mula Ilagan PNP at mga magsasaka.
Ayon kay Police Lieutenant Colonel Benjamin D Balais, Hepe ng Ilagan PNP, layunin ng programang Oplan Mammangi na matulungan ang mga magsasaka sa kanilang nasasakupan at palakasin ang ugnayan ng kapulisan at mamamayan.
Labis naman na galak at pasasalamat ang naging tugon ng mga benepisyaryo sa tulong at malasakit na ipinakita sa kanila ng mga pulis.
Anila, malaking bagay ang kanilang programa lalo na sa mga payak na magsasaka.
Samantala, siniguro naman ni PLtCol Balais na makakaasa ang mga mamamayan na ang kanilang hanay ay laging handang tumulong at maghatid ng dekalidad at pantay-pantay na serbisyo para sa lahat.
Source: Ilagan City Police Station
Panulat ni Police Staff Sergeant Mary Joy D Reyes
