Bagong Silang, Caloocan City — Umarangkada ang “Handog ni DATU” program ng Regional Mobile Force Battalion ng NCRPO nito lamang Huwebes, Setyembre 15, 2022 kung saan isang bagong wheelchair na naman ang hinandog ng kapulisan.
Ang benepisyaryo ay kinilala na si Jose Judy Esmeralda, 63 taong gulang ng Brgy. Bagong Silang, Caloocan City.
Personal na inabot ni Police Colonel Jonathan G Calixto, RMFB Force Commander ang wheelchair at food packs kay Tatay Jose at sa asawang si Isabel Esmeralda.
Lubos ang pasasalamat ng mag-asawa sa mga pulisya dahil isa sila sa mga napili ng naturang programa.
Sinigurado ng RMFB na di matatapos ang ganitong mga programa ng PNP nang sa gayo’y marami pang kababayan natin ang mahandugan ng tulong, at maramdaman nila ang malasakit ng pulisya.
Source: RMFB NCRPO
Panulat ni PSSg Remelin M Gargantos
