Camp Cabili, Iligan City – Boluntaryong sumuko ang dalawang miyembro ng Communist Terrorist Group (CTG) na may kasong Murder sa Iligan City PNP sa Iligan City Police Office Headquarters, Camp Tomas Cabili, Brgy. Tipanoy, Iligan City nito lamang Miyerkules, Setyembre 14, 2022.
Kinilala ni Police Major Taha Tambog Jr., Officer-In-Charge ng Iligan City Police Office-Station 3, ang mga sumuko na sina alayas “Arnaez”, 40, magsasaka at alyas “Yongyong”, 33, pawang mga residente ng Binasan, Barangay Rogongon, Iligan City.
Napag-alaman na ang dalawa ay miyembro ng Sub-Regional Committee 5 Platoon Fury. Ayon kay PMaj Tambog Jr., bandang 10:30 ng umaga nang boluntaryong sumuko sa tanggapan ng Iligan City Police Office, Headquarters sa Camp Tomas Cabili, Barangay Tipanoy, Iligan City para harapin ang kasong Murder na walang rekomendadong piyansa.
Ang pagsuko ng dalawang miyembro ng CTG ay dahil sa pagtutulungan ng mga tauhan ng Iligan City Police Office-Station 3, Iligan City Mobile Force Company, 1005th- Regional Mobile Force Battalion 10, City Intelligence Unit, Iligan City Police Office-Station 6 10 at 55th Infantry Battalion ng Philippine Army.
Ang Pambansang Pulisya ay patuloy na ipatupad ang programa ng gobyerno para sa mga gustong magbalik-loob sa pamahalaan upang makamtan ang kaayusan at kapayapaan tungo sa kaunlaran.
Source: Iligan City Police Office-Station 3
Panulat ni Patrolman Joshua Fajardo/RPCADU 10
