Lanao del Sur – Nasabat ang Php32,000,000 halaga ng marijuana sa magkahiwalay na operasyon ng otoridad sa apat na lugar sa Maguing, Lanao del Sur noong Setyembre 12, 2022.
Ayon kay PCol Jibin Bongcayao, Provincial Director, Lanao del Sur Police Provincial Office ay nasa 160,000 na tanim na marijuana na may tinatayang halaga na Php32,000,000 ang binunot at sinunog ng mga tauhan ng Police Regional Office Bangsamoro Autonomous Region, Lanao del Sur PPO, Police Drug Enforcement Unit-SOU 15, 3rd Platoon Provincial Mobile Force Company Lanao del Sur, Regional Drug Enforcement Unit at 103rd Infantry Brigade.
Ayon pa kay PCol Bongcayao ay dalawang marijuana farm sa Brgy. Pindulonan at dalawa din sa Brgy. Dilimbayan na sakop ng bayan ng Maguing ang ni-raid ng mga operatiba.
Agad namang tumakbo papalayo ang mga armadong lalaki na nagbabantay sa marijuana farm ng makitang papalapit ang pulis at sundalo sa lugar.
Kumuha ng mga samples ang mga operatiba para gawing ebidensya sa pagsampa ng kaso sa mga responsable sa pagtatanim sa apat na lugar sa bayan ng Maguing sa Lanao de Sur.
Patuloy na nagsasagawa ng operasyon ang PNP PRO BAR para mahuli ang nasa likod ng nasabing marijuana farm para mapanagot sa batas.
Ang PNP ay patuloy sa mandato na linisin at tugisin ang mga taong sangkot sa ilegal na droga para manatili ang kaayusan, kapayaan, tungo sa kaunlaran ng bansa.
Panulat ni Patrolman Mark Vincent Valencia
