Las Piñas City — Nagsagawa ng Community Outreach Program ang Las Piñas City Police Station na ginanap sa Liwanag Compound Valley 7, Barangay Pulang Lupa Dos, Las Piñas City nito lamang Linggo, Setyembre 11, 2022.
Pinangunahan ang aktibidad ng Station Community Affairs Section (SCAS) ng Las Pinas CPS sa pangunguna ni Police Major Ernie B Ortega, Chief, SCAS at Police Colonel Jaime O Santos, Chief of Police.
Sa naturang programa ay isinagawa ang Medical Mission, Information Drive at libreng gupit para sa mga kababayan natin sa nasabing lugar.
Nagbahagi naman ng dagdag kaalaman ang kapulisan tungkol sa Anti-Illegal Drugs awareness at ibinida din ang mga programa ng Kapulisan, Simbahan at Pamayanan (KASIMBAYANAN) na nagsusulong ng pakikipagkaibigan sa pagitan ng Pulis, Simbahan at sa komunidad patungo sa isang mapayapa at progresibong pamayanan.
Ang aktibidad na ito ay naglalayong iangat, suportahan at bigyan ng libreng serbisyo ang ating mga kababayan upang palakasin ang magandang relasyon sa pagitan ng komunidad at pulisya.
Source: Pulis Las Piñas
Panulat ni PSSg Remelin M Gargantos
