Dalaguete, Cebu – Masayang ipinamahagi ng mga kawani ng Dalaguete Municipal Police Station ang kanilang mga sariwang aning gulay sa mga residente sa kanilang nasasakupan nito lamang umaga ng Lunes, Setyembre 12, 2022.
Ang mga ipinamahaging gulay ay mga bunga ng pananim ng kapulisan sa kanilang hardin na binansagan nilang “SUGBUsog sa ISTASYON Garden”.
Ang naging hakbangin ng Dalaguete MPS ay kabilang sa mga kasanayan at programa na isinusulong ng istasyon sa pagpapalawig nito sa pagkakaroon ng mas matibay at maayos na ugnayan sa komunidad.
Lubos naman na ikinatuwa at kinalugdan ng mga residente ng naturang lugar ang naging aksyon ng kapulisan upang ipadama ang serbisyong may malasakit at pagmamahal.
Ang pagkakaroon ng maayos at mapayapa na pamayanan ang pangunahing dahilan ng lahat na nagiging hakbangin ng kapulisan, kung kaya ay patuloy na hinihimok ng hanay ng Pambansang Pulisya ang publiko para sa kanilang solidong suporta at pakikiisa tungo sa pagkakaroon ng maunlad at masaganang lipunan.
Panulat ni Patrolman Edmersan Llapitan
