Dilasag, Aurora – Nagsagawa ang 2 nd Provincial Mobile Force Company Aurora PNP ng Drug Prevention at Education Symposium sa Diniog National High School, Brgy. Diniog, Dilasag, Aurora nito lamang Sabado, September 10, 2022.
Ang naturang aktibidad ay pinamunuan ni Police Major Jeffrey Onde, Officer-In-Charge ng 2 nd PMFC ng Aurora Police Provincial Office.
Samantala, nagbigay kaalaman ang Aurora PNP sa mga estudyante sa masamang epekto ng ilegal na droga sa ating katawan at batas tungkol sa pang-aabuso sa mga bata.
Tinatayang nasa 70 na mag-aaral ang nakibahagi at nagkaroon ng kaalaman sa nasabing pagtuturo.
Hinihikayat ang mga mamamayan at mga kabataan na makilahok sa iba’t ibang programa ng PNP upang makaiwas sa maling gawain at paggamit ngilegal na droga.
Source: 2 nd PMFC Aurora PNP
Panulat ni Police Corporal Jeselle Rivera
