Calbayog City – Pinangunahan ng mga tauhan ng Calbayog City Police Station ang isinagawang Tree Planting Activity at Clean-Up Drive na ginanap sa Brgy. Tinaplacan, Tinambacan District, Calbayog City nito lamang Linggo, ika-11 ng Setyembre 2022.
Ang aktibidad ay pinangunahan ni Police Lieutenant Colonel Ericson N Del Rosario, Chief of Police ng Calbayog City Police Station kasama ang LGU Calbayog sa pamumuno ni Hon. Raymund C. Uy, City Mayor, sa pakikipagtulungan sa City Environment and Natural Resources Office sa pamumuno ni Mr. Lorenzo C. Raz at Sirak Kabataan Calbayog sa pangunguna ni Ms. Jessa Mae Jumaday, Coordinator.
Tinatayang nasa 100 na mga puno ng mahogany ang naitanim at iba’t ibang mga klase ng basura ang napulot at nakolekta sa nasabing lugar.
Ang aktibidad ay nilahukan din ng mga tauhan ng First Samar PMFC, KKDAT Calbayog, CSI-IG, FBBI Calbayog City, Haring Bakal Calbayog Chapter, Brgy. Officials, Tanods at mga residente ng nasabing barangay.
Ang naturang aktibidad ay naglalayon na mapanatili at mapangalagaan ang kapaligiran at gayundin upang imulat sa komunidad ang kahalagahan ng ating likas na yaman, ipahayag ang pagmamalasakit sa kapaligiran at bawasan ang hindi magandang epekto ng pagbabago ng klima.
Panulat ni Patrolwoman Rialyn B Valdez
