Basay, Negros Oriental – Matagumpay na isinagawa ng mga tauhan ng Basay PNP ang Feeding Program na ginanap sa Sitio Daro, Barangay Nagbo-alao, Basay, Negros Oriental nito lamang Sabado, ika-10 ng Setyembre 2022.
Ang aktibidad ay pinangunahan ng mga tauhan ng Basay Municipal Police Station sa pangangasiwa ni Police Lieutenant Julius Rene C Peñaflorida, Officer-In-Charge.
Tinatayang nasa mahigit 30 na mga kabataan mula sa naturang lugar ang nahandugan ng mainit na champorado.
Lubos naman ang pasasalamat at tuwa ng mga bata dahil sa handog na pagkain sa kanila ng mga tauhan ng Basay Municipal Police Station.
Patuloy na isusulong ng Basay PNP ang mga programang may malasakit na makakatulong sa pagkakaroon ng malusog at masiglang pangangatawan ng mga kabataan sa kanilang mga nasasakupan.
Panulat ni Patrolman Aivan Guisadio
