Panglao, Bohol – Masayang isinagawa ng mga kawani ng PNP Maritime Group MARPSTA ang Feeding Activity sa Looc Bay, Panglao, Bohol nito lamang ika-9 ng Setyembre 2022.
Ang aktibidad ay aktibong pinangunahan ng Bohol MARPSTA sa pangunguna ni Police Chief Master Sergeant Jarlyn B Elopre sa direktang pangangasiwa ni Police Lieutenant Lucio DC Vergara Jr, Station Chief katuwang ang AVSEU Bohol at EOD K9 Bohol.
Sa naturang aktibidad ay mahigit sa 30 na mga bata ang nahandugan ng tinapay at mainit na lugaw mula sa mga kapulisan.
Layunin ng aktibidad na makapagbigay ng tulong at saya sa mga bata na kanilang lubos na pinapangalagaan at pinoprotektahan upang maipadama ang tunay na malasakit at pagmamahal ng Pambansang Pulisya.
Panulat ni Patrolman Carl Philip Galido
