Balibago, Angeles City – Arestado ang riding-in-tandem na miyembro ng “Balyeho Syndicate Group” ng Mabalacat PNP sa harap ng Wheel Bike Shop, McArthur Highway, Balibago, Angeles City nito lamang Huwebes, September 8, 2022.
Kinilala ni Police Lieutenant Colonel Abraham Abayari, Acting Chief of Police ng Mabalacat City Police Station, ang dalawang suspek na sina Rodel Tubo y Cunanan, 32, residente ng Brgy. Sta Ana, San Pablo, Laguna at si Elmario David, 42, residente ng Brgy. Cutcut, Angeles City at pawang miyembro ng “Balyeho Syndicate Group”.
Ayon kay PLtCol Abayari, bandang 3:30 ng hapon nang namataan ang riding-in-tandem lulan ng Honda Click 125 kulay pula at itim.
Nakita ng awtoridad ang nakasukbit na baril sa beywang ni David, biglang bumunot at pinagbabaril ang pulisya dahilan na gumanti ng putok ang miyembro ng Mabalacat PNP.
Samantala, itinakbo sa Rafael Lazatin Memorial Medical Center si David dahil sa natamong sugat.
Narekober sa dalawang suspek ang Taurus 9mm pistol bearing Serial number TUD49481 at nahaharap sa kasong Illegal Possession of Firearms and Ammunitions.
Ang pagpapaigting na kampanya laban sa mga taong may sala sa batas ay kaugnay sa CPNP’s Peace and Security Framework na Malasakit + Kaayusan+ Kapayapaan= Kaunlaran.
Paalala ng Mabalacat PNP na isumbong sa kanilang himpilan ang mga taong may kahina-hinalang gawain upang masiguro ang kaayusan at kapayapaan sa kanilang nasasakupan.
